قائمة نادى طنطا

[meka]

اعتمد مجلس ادارة نادى طنطا برئاسة المحاسب فايز عريبي القائمة من "11" لاعباً هم: اسامة ليلة وحمادة الغواب ومحمد عبد الرازق واسامة غنيم واسلام زكريا وعمرو رأفت وتامر سعيد وابراهيم الحايس ومحمود عبد الطاعم وعيسي مونوكيليا وثابت اسماعيل تحت قيادة علاء صابر المدير الفني للفريق والذي يسعي جاهدا للعودة الفريق مرة أخري لدوري الأضواء والشهرة.

[elgenral]

انا عايز اسال سوال انا سمعت ان طنطا دلوقتى بقت فى مجموعتنا هل لكلام دا صحيح ولا لا لا ولذلك لان شوبير يريد صعود طنطا فى ظل مجموعة لا توجد بها اندية شركات ولا قطاع جيش ما مدى صحة هذا الكلام

[meka]

بصراحة مش عارف يا جنرال
بس بتأكيد هتأكد واقولك ويا ريت تكون بقت فى مجموعتكم

:mbtsm:

[m_elhdeny]

لا ياعم هية عباطة كل سنة فى مجموعة

[الأهلاوي دائما]

تروح زي ما نروح الكوسه واضحه خالص

[احـمـد]

ردا على الاخ elgenral

ياباشا احنا لسة فى مجموعة القاهرة زى ما احنا وانا اول مرة اسمع ان طنطا بقت فى مجموعة بحرى

وحضرتك بتقول ان شوبير عاوز يبعدنا عن اندية الشركات واندية الجيش

بالله عليك يعنى سؤال

شوبير هيبعدنا عن اندية الشركات ويودينا مع اندية جماهيرية ؟؟؟

ولو شوبير عاوزنا نصعد زى ما حضرتك بتقول ما احنا كان اديلنا 14 سنة مش صعدنا وكنا فى اخر سنين فى مجموعة بحرى وبعيد عن اندية الشركات والجيش شوبير مش صعدنا لية ؟؟

[mishmishlove2004]

بالتوفيق لكل الفرق انشاء الله والاجدر هو الي يصعد

وطبعا طالما طنطا مش مع المنصورة يبقي ياريت الاتنين يصعدوا لكن لو وقعوا في مجموعة واحدة يبقي منصوووووووووووووووورة انشاء الله منصورة دايما

[شريف المنصوراوى]

ربنا يخلى شوبير لطنطا

[شريف المنصوراوى]

الجونة والداخلية والمنصورة فرسان الممتاز ب

[احـمـد]

الى الاخ السنبلاوين

ياعم ربنا يخلية ربنا ياخدة دى حاجة بتاعة ربنا

بس انا عاوز اقول لحضرتك معلومة شكلها غايبة عنك احمد شوبير لا عمل لنادى طنطا حاجة ولا هيعمل حاجة لان باختصار شديد كدة احمد شوبير خلاص خد الى هو عاوزة يبقى يخدم لية بقى

ثم لو احمد شوبير بيخدم نادى طنطا زى ما الناس متوقعة وبتقول
طيب باعقل كدة ونحسبها
1:مش كان زمان نادى طنطا منزلش من الدورى الممتاز ؟؟
2:ولما نزلنا من الدورى الممتاز مصعدناش تانى لية بما ان شوبير بيساند نادى طنطا ؟؟
3:لو احمد شوبير بيخدم اهل طنطا ونادى طنطا على الاقل كان طلب ان استاد نادى طنطا يتلف المدرجات ويتعمل فية اضواء كاشفة
4:احمد شوبير هيساند نادى طنطا ازاى وهو على خلافات مع رائيس نادى طنطا
5:لو احمد شوبير بيخدم نادى طنطا زى ما بتقول مكنش نادى طنطا يبقى فى ازمة مالية كل سنة بسبب قلة الموارد
6:لو احمد شوبير بيخدم نادى طنطا كان جاب 3 او اربع لعيبة لنادى طنطا من الدورى الممتاز

دى بعض الاسباب بس للناس اللى بتقول ان احمد شوبير بيساند نادى طنطا

ويااستاذ سنبلاوين لو تحب تتاكد بنفسك ان احمد شوبير عمرة ما عمل اى شئ يذكر لنادى طنطا تتفضل تنزل طنطا فى يوم وتروح نادى طنطا وتتفرج على تمرين النادى وتسال الجمهور هناك

او تسال بدير الشربين لاعب المنصورة السابق ولاعب نادى طنطا الحالى او تسال حسن كوندى لاعب كهرباء طلخا السابق ولاعب نادى طنطا السابق ولاعب نادى بتروجيت

وحضرتك بتقول ان الجونة والداخلية والمنصورة هما فرسان الممتاز ب

ياسيدى الفاضل لو حتى طلع فريق من الدرجة التالتة زى سكر الحوامدية او منوف او سماد ابو قير او اى فريق من اللى صعدو للممتاز ب لو حتى صعدو الممتاز هنقول ليهم الف مبروك

واحب برضو اقول لحضرتك ان اللى نفسة طويل فى الفرق اللى فى الممتاز ب وفى نيتة الصعود وبيجتهد ربنا هيقف جمبة (ولكل مجتهد نصيب)