المساعد الشخصي الرقمي

مشاهدة النسخة كاملة : ضيف الاسبوع...(متجدد)

اسيرة الاحزان
11-07-2008, 11:21PM
السلام عليكم
انا كنت عرضت عليكم موضوع ضيف الاسبوع
واتفقنا ان اول ضيف هيكون معانا الاسبوع ده
وبصراحة انا كنت محتارة اوى مين يكون معانا فى اول اسبوع
وبجد مكنتش عارفة اقول لمين من الاعضاء الى بحبهم
كاتى حبيبتى ، والشقية اهلاوية مية مية , والاستاذ محمد الشافعى , والاستاذ ايهاب شليح
والاستاذ مصطفى شعبان , واخى الراقى , والاستاذ سيد
لكن قولت ان الاسبوع ده يبقى معانا ميكا
لانه كان غايب عننا بقاله فترة
واكيد كنا كلنا مفتقدينه
يلا بقى عايزاكى تدخلوا تسالوا كتير اوى
وانت يا ميكا ترد علينا
وياريت نشارك كلنا
دمتم جميعا بكل خير...

"وآخر دعوانا ان الحمد لله"
اسيرة الاحزان
11-07-2008, 11:45PM
احب اكون اول حد يسال وادى الاسئلة
س1: الاسم والسن والعنوان والوظيفة؟
س2:الحلم او الامنية؟
س3:اهم حاجة اتعلمتها من الحياة؟
س4: مين اكتر حد زعلان منه فى الحياة عامة , واكتر حد زعلان منه فى المنتدى؟
س5: ايه اكتر حاجة بتحبها فى الدنيا؟
س6:لو كنت مدير المنتدى ايه اول حاجة هتغيرها؟
س7:لو كنت رئيس الجمهورية ايه الى ممكن تعمله لشعبك الغلبان؟
س8:ايه الصفة الى مش ممكن تتحمل صاحبها؟
س9:ايه احلى صفة واوحش صفة انت شايفها فى نفسك؟
س10:ايه الحاجة الى اتمنتها ولما حصلت ندمت عليها؟

يلا بقى جاوب دول على مارجعلك تانى
دمت بكل خير

"وآخر دعوانا أن الحمد لله"
elraky2005
12-07-2008, 02:44AM
وانا معاكى يا اسيره ميكا فعلا كان واحشنا
والاهم انه من انشط الناس فى المنتدى
وكمان بيجيب موضوعات تستحق الاشاده
وشكرا لكى على الموضوع واختياراتك
meka
12-07-2008, 03:06AM
يا فتاح يا عليم يا رزاق يا كريم
ومالة يا اسيرة بس انتى متوصية بيا قوى
من اول الاسبوع كدا الاسئلة الكتير دى
ومالة
بس اهم حاجة لازم تعرفو ان دة اسبوع كامل
يعنى فطار وغدا وانا بنام خفيف
والجو حر بقا موسكوش على المشروبات
هنجاوب على الاسئلة على طوووول

س1: الاسم والسن والعنوان والوظيفة؟
ج1 : الاسم محمد عابدين
السن تقدرو تقولو عايش من زمان شهر العظماء الجاى هكون كملت 21 وداخل على ال22
العنوان والله هتوهو معاية لانى انا نفسى تايهة انا من هيت مركز منوف بس اقمتى بها قليلة وبروح هناك علشان الفملى وكداا وانا ديما كثير التنقل بين مدينة نصر والجيزة وشبرا مصر
الوظيفة لحد دلوقتى وفى بطاقة الحكومة طالب بدرس هندسة ميكانيكا انما فى كارنهاتى الخاصة والبنوك الى بتعامل معاها مهندس ميكانيكا بشركة فونيكس تيم للاعمال الهندسية والتجارية والمسئول الاول عن صيانة الات الصرف الالى والجينريتور ولوحات الats ببنوك ( مصر . الوطنى للتنمية . العربى الافريقى الدولى (جمال مبارك ) . بى ان بى باربيا ) بجميع فروعهم بمصر المحروسة
س2:الحلم او الامنية؟
ج2 : يااااااااااة يا اسيرة
احلام وامنيات كتيرة بس افضلها واقربها على قلبى رضى بابا وماما عليا
س3:اهم حاجة اتعلمتها من الحياة؟
ج3 : الحياة مدرستى الحقيقية
علمتني الحياه
أنه بقدر مايقترب الرجل من المرأه تبتعد عنه فأذا أبتعد عنها تبعته
وعلمتني الحياه
أن حب الرجل معامله تجاريه ورأس ماله فيها الكرامه
وعلمتني الحياه
ايضا أن الرجل أذا أحب قد يكره بنفس القدر الحب
أذا ما أنعكست أسباب المحبه راساً على عقب
علمتني الحياة
أن الإنسان العظيم هو الذي يبتسم عندما تكون دموعه على وشك السقوط
الكلمات الصادقة ليست دائماً جميلة
والكلمات الجميلة ليست دائماً صادقة
الابتسامة
هي اللغة الوحيدة التي لا تحتاج إلى ترجمة
أجمل ابتسامة تلك التي نراها من خلال الدموع
س4: مين اكتر حد زعلان منه فى الحياة عامة , واكتر حد زعلان منه فى المنتدى؟
ج4 : ممتنع عن الاجابة عن الشق الاول فى السؤال ( لانى حريص ان اكون صادق معكم ) اما بالنسبة للمنتدى فالاعضاء هنا طيبين مقدرشى ازعل منهم او مفيش حد زعلنى او محدش يقدر يزعلنى
س5: ايه اكتر حاجة بتحبها فى الدنيا؟
ج5 : الصدق
س6:لو كنت مدير المنتدى ايه اول حاجة هتغيرها؟
ج6: حاجات كتير اوى يا اسيرة المنتدى يحتاج للتطوير ويحتاج بعض الاقسام القليلة ولاقسام الموجودة بتقضى الغرض وكمان هعمل دردشة اون لين والمفاجئة كنت هعمل جمعية رسمية بس جمعية منتديات مودرن سبورت ويكون ليها خدمات عاملة وتشارك فى المجتمع
س7:لو كنت رئيس الجمهورية ايه الى ممكن تعمله لشعبك الغلبان؟
ج8 : انا مش هقولك اعمل اية بس اول قرار هخدة انى استقيل من الرئاسة لا الشعب هوا الى يحرك نفسة ويطور من وضعة
س8:ايه الصفة الى مش ممكن تتحمل صاحبها؟
ج8 : اظنى مش قادر افهم سؤالك بس هحاول اجاوب علية اظن الكذب لا يدوم ولا يتحملة الشخص للابد ولا هوا يتحمل للابد فلابد من نهاية
س9:ايه احلى صفة واوحش صفة انت شايفها فى نفسك؟
ج9 : تقدرى تقولى الطيبة والبساطة ساعات بيكلفونى حاجات كتير وكمان خسائر
س10:ايه الحاجة الى اتمنتها ولما حصلت ندمت عليها؟
ج10 : هههههههه اوعى حد يقول لبابا انى جبت مجموع كويس ودخلت هندسة لانى مكنتش بحبها
meka
12-07-2008, 03:08AM
وانا معاكى يا اسيره ميكا فعلا كان واحشنا
والاهم انه من انشط الناس فى المنتدى
وكمان بيجيب موضوعات تستحق الاشاده
وشكرا لكى على الموضوع واختياراتك

وانتة معاها بقا كدا يا راقى
ماشى يا جميل
كما تدين تدااااان
اهلاويه ميه ميه
12-07-2008, 04:49PM
ايه يا اسيره الاحزان انتى سألتى كل الاسئله ؟؟؟؟

بس خد عندك الكام سؤال دووووووول ............:s7n::s7n::s7n:

اول واحد سؤال صغيور غايظنى من زمان::entzar::entzar:

1-ليه يا ميكا Dollar sign ($) بتاعه النيك نيم بتاعك دايما هربانه منك ؟؟؟؟؟؟؟؟

سؤال تانى صغيور برده :nshyt:

2-ليه مخبى وشك فى صوره البروفيل هوا فى حد مراقبك ؟؟؟؟؟ ولو انتا عملت حاجه تخليهم يرابقوك قوووول سرك فى بير ؟؟؟؟؟:yst7lf::sgn::sgn:

خد عندك بقى السؤال دا وبصرااااااااااحه:yrfd::mlak::yrfd:

3- انتا مصرى ومصر هيا امك ونيلها هوا دمك قولولى بقى ايه شعورك تجاااااه قائدنا وحبيبنا الفاتح الاكبر الاب الروحى محمد حسنى مبارك ؟؟ ؟؟؟

:tskif::tskif: يطول عمره يزهزه عصره ينصره على مين يعاديه هاي هيئ :tskif::tskif:

بس اجباتك تبقى صريحه
meka
12-07-2008, 05:32PM
1-ليه يا ميكا Dollar sign ($) بتاعه النيك نيم بتاعك دايما هربانه منك ؟؟؟؟؟؟؟؟
جـ : اولا لانها جنب ايدى اشمال وبضايقنى اوى فكلت علقة قبل كداا فحرمت
ومن ساعتها اول ما ادخل المنتدى تاخد جنب ( عقبال الى فى دماغى يا رب )
2-ليه مخبى وشك فى صوره البروفيل هوا فى حد مراقبك ؟؟؟؟؟ ولو انتا عملت حاجه تخليهم يرابقوك قوووول سرك فى بير ؟؟؟؟؟:yst7lf::sgn::sgn:
جـ : لا مش كداا خالص المسئلة كلها انى مؤمن بالحسد ( خمسة وخميسة فى عيون الى ميصلى على النبى ) بس فعلشا العيون هنا كتير وبيشكرونى كتير واسمى بيجى كتيير فلازم الواحد يعمل احتياطة
3- انتا مصرى ومصر هيا امك ونيلها هوا دمك قولولى بقى ايه شعورك تجاااااه قائدنا وحبيبنا الفاتح الاكبر الاب الروحى محمد حسنى مبارك ؟؟ ؟؟؟
جـ: البت دى عوزة تحبسنى وتسلمنى وقتى ( ممتنع عن الاجابة لمصلحة البلد )
اسيرة الاحزان
12-07-2008, 09:55PM
انا رجعت اكمل الاسئلة
س11:ماذا تعنى لك الكلمات الاتية
حزن , فرح , صدق , كذب , خيانة
س12:هل قابلت فى يوم الشخص الذى تشعر انه يستحق ثقتك؟
س13:لو اخبروك انك ربحت جائزة مالية قدرها 10 مليون جنيه مصرى , ماذا سوف تفعل بها؟
س14:هل شعرت يوما بصدق هذه الابيات
نعيب زماننا والعيب فينا وما لزماننا عيب سوانا
ونهجو ذا الزمان بغير ذنب ولو نطق الزمان لنا هجانا
وليس الذئب يأكل لحم ذئب ويأكل بعضنا بعضا عيانا
س15:لو صادفتك الخيانة يوما , ماذا سيكون رد فعلك؟

يلا بقى جاوب دول على مارجع بباقى الاسئلة
"وآخر دعوانا أن الحمد لله"
Dodda_Lamada
13-07-2008, 01:53AM
طبعا مش محتاج إنى أقولك منور

سؤالين بالظبط
الأول....... قول الى أنت تحب تقوله عن نفسك
الثانى بقى..... وبكل صراحة ووضوح
إيه رأيك ف إدارة منتدى مودرن اسبورت الموقرة الكريمة...........؟! :3mla:

مع العلم إنه الأسئلة إجبارى ومفيش حاجة اسمها أمتنع عن الاجابة..........
os_spicy
13-07-2008, 10:09AM
يانهااااااااار
طول عمرى بقول عليكى عبقريه يااسيره
عموما انتظر اسئلتى ياميكا
انا هاجى تانى ان شاء الله
meka
13-07-2008, 01:49PM
:3mla::3mla:

امممممممم
ماشى لى عودة للرد على اسئلتكم
اهلاويه ميه ميه
13-07-2008, 04:27PM
هربت من الاجابات زى ميكا زى متوقعت :3mla::3mla:

وعملى فيها سعد زغلول :dtell::dtell:

طيب يا سيدى هعديها كدا بمزاجى :mll::mll:

بس المره الجايه مش هتفلت :s7n::s7n::s7n:
meka
14-07-2008, 08:46AM
س11:ماذا تعنى لك الكلمات الاتية
حزن , فرح , صدق , كذب , خيانة
جـ : ( حزن ) هويتى ورفيق دربى
( فرح ) احساس جميل
( صدق ) هو النقاء والشفافيه هو الطيبه ودلاله على بياض القلب وهي اجمل صفه ييمكن ان يتحلى بها الانسان
( كذب ) صفه قبيحه فمن يكذب يكذب على نفسه فيضع الكذب قناع يخفي ورائه نواياه وذاته الحقيقيه
( خيانة ) شربت من كاسها وذقت طعمها المر واتمنى محدش يذوقها واعتبرها سيف يقطع اوريد
س12:هل قابلت فى يوم الشخص الذى تشعر انه يستحق ثقتك؟
جـ : الحقيقة انة كان فى بس ربنا يرحمة
س13:لو اخبروك انك ربحت جائزة مالية قدرها 10 مليون جنيه مصرى , ماذا سوف تفعل بها؟
جـ : بأمانة مش عارف بس سبك هتيهم انتى ومكيش دعوة سيبو السؤال دة فى الاخر لحد ما اشوف هعمل بيهم اية
س14:هل شعرت يوما بصدق هذه الابيات
نعيب زماننا والعيب فينا وما لزماننا عيب سوانا
ونهجو ذا الزمان بغير ذنب ولو نطق الزمان لنا هجانا
وليس الذئب يأكل لحم ذئب ويأكل بعضنا بعضا عيانا
جـ : بتأكيد تلك الكلمات الرائعة للامام الشافعى وسأطرح موضوعا للنقاش يتناول رئيكم فى الابيات لانة فعلا يطول الكلام فية
س15:لو صادفتك الخيانة يوما , ماذا سيكون رد فعلك؟
جـ : الخيانة شئ بشع , محطم للاحلام والامنيات , محطم للذات , ومن رئى انى هنتقم وفعلا حدث لى وانتقمت , لان مش هسمح لئى حد يهدم ويحطم
meka
14-07-2008, 09:00AM
طبعا مش محتاج إنى أقولك منور


سؤالين بالظبط
الأول....... قول الى أنت تحب تقوله عن نفسك
الثانى بقى..... وبكل صراحة ووضوح
إيه رأيك ف إدارة منتدى مودرن اسبورت الموقرة الكريمة...........؟! :3mla:


مع العلم إنه الأسئلة إجبارى ومفيش حاجة اسمها أمتنع عن الاجابة..........


ههههههه

بحب اعرف نفسى دة لانى فخور بنفسى وممن بأى حاجة اعملها وتعبت كتير لحد ما بيئيت كداا

اما السؤال التانى فأدارة مودرن سبورت ادارد محترمة وبشكل كبير مثقفة وبأسنى عليها ولاكن لى بعض الملاحظات اولا سيد عبد القادر فى اختلاف فى بعض وجهات النظر ولما دار اول حديث بينا على الموبيل كان فية وعود كثيرة ولاكنها لم تتحقق حتى الان وانا عن نفسى مستعد لئى خدمة اقدر اقدمها للمنتدى اين كانت وهوا فعلا شخصية محترمة وبتمنى لة التوفيق
اما الثانية بعض المشرفين غير صالحين ويحتاجو للتطوير من انفسهم قبل اى شئ وبأثنى جدا على محمد الشافعى لانة شخصية محترمة وفعلا هوا فى المكان الصح وفى بعض الاقسام لا يوجد بيها مشرفين وبتمنى ان ادارة مودرن تعيد ترتب البيت من جديد اما بالنسبة للمشرفين الجدد مثل الراقى واسلام بتمنى ليهم التوفيق ومقدرشى احكم عليهم دلوقتى
meka
14-07-2008, 09:03AM
هربت من الاجابات زى ميكا زى متوقعت :3mla::3mla:

وعملى فيها سعد زغلول :dtell::dtell:

طيب يا سيدى هعديها كدا بمزاجى :mll::mll:

بس المره الجايه مش هتفلت :s7n::s7n::s7n:

انا مش سعد زغلول ولا حاجة يا اهلاوية
ومظنش انى هربت من اى سؤال
قولى السؤال الى هربت منة وهعيد الاجابة بتعتة
اسيرة الاحزان
15-07-2008, 03:51AM
ايه يا جماعة
فين الاسئلة..؟!

"وآخر دعوانا أن الحمد لله"
كاتى
18-07-2008, 12:20PM
ياااااااااعينى عليك ياميكا الاسئله جامده اوى عليك ههههههههههههه
عندى كام سؤال صغيرين وسهلين جدااااااااا

س/ ماهو احب الاقسام اليك فى المنتدى؟

س/ اكتر موضوع عجبك فى المنتدى واتمنيت انك انت اللى تكون كاتبه؟

س/ مين اكتر شخص اثر فى حياتك؟

س/ لو قاللك المصباح السحرى اختار امنيتين فى الدنيا واحققها لك هتتمنى ايه؟
مصطفى شعبان
18-07-2008, 02:29PM
مممم انا جيالك يا ميكا وعندى اسأله كتييييييير جدا حضر نفسك لم تجاوب على الاسأله بتاعت كاتى يلا يا جميل دا انا حهريك اسأله فرصه بقة هههههههههه
محمد الشافعى
18-07-2008, 02:57PM
ميكا ياجميل ربنا يوفقك


ويصبرك على الاسئله هههههه
meka
19-07-2008, 12:46PM
ههههههههههههههههههههه
ههههههههههههههههههههههههه

س/ ماهو احب الاقسام اليك فى المنتدى؟
جـ / منتدى الحوار العام والمنتدى الاسلامى والاقسام الرياضية ولا نغفل منتدى الترحيب لانة بنستقبل فية اخوتنا الجدد

س/ اكتر موضوع عجبك فى المنتدى واتمنيت انك انت اللى تكون كاتبه؟
جـ / بجد وبكل امانة اى موضوع بحس انى استفد منة بتمنى انى اكون كاتبة علشان الاعضاء يستفادو زى

س/ مين اكتر شخص اثر فى حياتك؟
جـ / اكتر شخص اثر فى حياتى فهو شخص عزيز جدا عليى وبتمنالة الرحمة والمغفرة وان يسكنة الله فسيح جناتة ففى الفترة البسيطة التى تعرفت بها علية وتعلقت بة اختارة المولى لملاقاتة


س/ لو قاللك المصباح السحرى اختار امنيتين فى الدنيا واحققها لك هتتمنى ايه؟
جـ / ـــــــــــــــــــــــــــــ
meka
19-07-2008, 12:48PM
مممم انا جيالك يا ميكا وعندى اسأله كتييييييير جدا حضر نفسك لم تجاوب على الاسأله بتاعت كاتى يلا يا جميل دا انا حهريك اسأله فرصه بقة هههههههههه


منتظركـ يا اجمل درش
بس كدااا افتورة زادت
لان كنا متفقين على اسبوع واحد
كدا بقينا فى الاسبوع التانى
منتظركـ يا الغالى
meka
19-07-2008, 12:49PM
ميكا ياجميل ربنا يوفقك


ويصبرك على الاسئله هههههه


ههههههههههههههههههه
ماشى يا شافعى اتريق براحتك
مسيرك تكون فى مكانى يوم
مصطفى شعبان
20-07-2008, 07:58AM
ممكن اجاوب مكانك على السؤال ده
س/ لو قاللك المصباح السحرى اختار امنيتين فى الدنيا واحققها لك هتتمنى ايه؟
جـ / ابيد اسرائيل وكل يهودى على وجه الارض اقضى عليهم تماما
meka
22-07-2008, 12:56PM
ممكن اجاوب مكانك على السؤال ده

س/ لو قاللك المصباح السحرى اختار امنيتين فى الدنيا واحققها لك هتتمنى ايه؟

جـ / ابيد اسرائيل وكل يهودى على وجه الارض اقضى عليهم تماما


برافو يا درش

:tskif::tskif::tskif:
اسيرة الاحزان
16-08-2008, 12:10AM
(بسم الله الرحمن الرحيم)
اعضاء مودرن سبورت الاعزاء
رجعتلكم انهاردة فى موضوع ضيف الاسبوع
بضيف جديد
عزيز على قلوبنا كلنا

الى صادف وقرى ولو موضوع واحد للشخص ده
"وطبعا كلنا قرينا اكتر من موضوع ليه
عشان هو من اكثر الافراد نشاطا"

ممكن نسميه
ذات الذوق الرفيع
او
صاحبة الاحساس المرهف
او
نسمة المنتدى
وغيرها من الاسماء الى مش ممكن تقدر توصف جمال الشخص ده
وبجد
من اجمل الافراد الى فى عيلة مودرن سبورت


ولو طلب منى انى اوصف شخصيته فى5 كلمات هقول
طيب ، حساس , ذوق , ذكى ، جذاب....
وده بدون مجاملة
مش هرغى كتير فى كلام كلكم عارفينه
لانه صفاته باينة للكل من غير ماتكلم انا
انهاردة
معانا
حبيبة قلبى
البنوتة الامورة
"كاتى"
يلا بقى عايزة اسالة زى المطر مع ضيفتنا الغالية
كاتى

"وآخر دعوانا أن الحمد لله"
كاتى
16-08-2008, 12:30AM
ميرسى جدا يااسيره على الكلام الجميل ده
وانا سعيده جدا انى ضيفه الاسبوع ده معاكى
مش اشكرك ازاى على كل الكلام الحلو اللى انتى قولتيه عنى
وانتى كمان من الاعضاء المشهود بيهم فى المنتدى
وانا مستنيه اسئلتكم بس براحه شويه عليا ياجماعه فى الاسئله
ههههههههههههه
elraky2005
16-08-2008, 12:34AM
موفقه بإذن الله ... لكى مني أجمل تحية .
وكاتى قطتنا الجميله فعلا تستحق تكون
نجمه ويلا الكل يحضر الاسئله اللى هى
موفقه يا اسيره انتى وكاتى وح اتابعكم
ونتمنى نسعد كلنا معاكم
اهلاويه ميه ميه
16-08-2008, 12:36AM
طبعا انا اكتر واحده مبسوطه

بأن سكره المنتدى كاتى معانا

يلا يا كاتى كدا ع السريع بطاقتك الشخصيه ؟؟؟؟؟؟
كاتى
16-08-2008, 12:57AM
مستنيه عودتك يا راقى بالاسئله وربنا يستر
وانا كمان مبسوطه لانى معاكم الاسبوع ده يااهلويه

وبطاقتى الشخصيه هى:

الاسم : هدى

السن : ان شاء الله يوم 23 /8 هتم ال20

الاقامه : القاهره

المهنه : طالبه بالفرقه الرابعه كليه الاداب قسم اللغه العربيه
اسيرة الاحزان
16-08-2008, 01:40AM
سبقتينى يا اهلاوية
طيب
اقولك شوية اسئلة يا كاتى
اتسلى فيها على ماجبلك الباقى

هواياتك..؟

امنيتك الشخصية..؟
امنيتك للبلد..؟
امنيتك للمنتدى..؟

ايه اكتر حاجة حصلتلك مش قادرة تنسيها..؟

ايه الحاجة الى عملتيها وندمتى عليها بمجرد ماتحققت..؟

ناوية على ايه بعد التخرج..؟

اكتر حد بتحبيه فى الحياة...طبعا بعد ربنا..؟

اكتر حد بتحبيه هنا فى مودرن..؟

لو كنتى مديرة مودرن سبورت"بيت العيلة" كنت هتعملى ايه..؟

فى حد انخدعتى فيه لدرجة خلتك بقيتى تخافى من الناس..؟

فى حد عملتيه وحش وندمتى على ده..؟

قبل ماتدخلى الكلية ...كان نفسك تدخليها ولا المجموع السبب..؟

فى وقت جالك حسيتى فيه ان السلطة او الفلوس اهم حاجة..؟

لو فكرتى تنزلى كتاب..ايه هيكون عنوانه..؟

لو قولنالك اوصفى نفسك فى كلمتين..هيكونوا ايه؟؟؟؟؟؟؟

بصى بقى جوبى دول على مارجعلك
عشان فى حاجات كتير انا كواحدة من جمهورى ومعجبينك عايزة اعرفها

"وآخر دعوانا أن الحمد لله"
محمد الشافعى
16-08-2008, 01:44AM
هستنى لما تخلصى اسئله اسيره

وهااهريكى اسئله ياهدى

انا مبرحمش دى معلومة عنى
كاتى
16-08-2008, 02:36AM
كده ياقمر ايه الاسئله الجامده
حاميه اوى كده من اولها
عموما الاجابه هى

هواياتك..؟
الكمبيوتر والانترنت
امنيتك الشخصية..؟
انى اخلص الكليه على خير ان شاء الله والاقى ابن الحلال
امنيتك للبلد..؟د
ان الغلا يقل لانه حرام اللى بيحصل فى الناس ده
امنيتك للمنتدى..؟

انه يكون احسن منتدى على مستوى المنتديات كلها ويكون فى تقدم مستمر باعضاءه المتميزين
ايه اكتر حاجة حصلتلك مش قادرة تنسيها..؟
اجمل شئ حصللى فى حياتى وغيرنى كتير للاحسن وفجأه ضاع منى ومااعتقدش انى ممكن انسى الامر ده طول حياتى
ايه الحاجة الى عملتيها وندمتى عليها بمجرد ماتحققت..؟
انا اقدر اقولك انى لحد دلوقتى مافيش حاجه اتمنيتها واتحققت
ناوية على ايه بعد التخرج..؟
ان شاء الله المفروض انى اشتغل بس ان ربنا رزقنى بابن الحلال يبقى مافيش شغل
اصلى انا بيتوتيه
اكتر حد بتحبيه فى الحياة...طبعا بعد ربنا..؟
انسان عزيز عليا قوى وصحباتى كمان بحبهم جدا
اكتر حد بتحبيه هنا فى مودرن..؟
بصراحه انا بحب كل اعضاء مودرن على فكره ده مش رد دبلوماسى علشان ماحدش يزعل بس دى الصراحه احلى صحبه لقتها هنا فى مودرن
لو كنتى مديرة مودرن سبورت"بيت العيلة" كنت هتعملى ايه..؟

كنت هعمل كل حاجه كويسه وجميله تحبب الاعضاء فى المنتدى اكتر ويربط بين الاعضاء اكتر واكتر
فى حد انخدعتى فيه لدرجة خلتك بقيتى تخافى من الناس..؟
الصراحه لأ الحمد لله لانى بطبيعتى مش بقرب لاى حد بسهوله
فى حد عملتيه وحش وندمتى على ده..؟
اى انسان عزيز عليا وبحبه وزعلته منى فى لحظه زعل او خلاف بزعل من نفسى جداااااااا
قبل ماتدخلى الكلية ...كان نفسك تدخليها ولا المجموع السبب..؟
بصراحه خوفت اتمنى حاجه وماادخلهاش وازعل فقولت كل اللى يجيبه ربنا كويس وطبعا لما جات اداب اول رغبه كانت اللغه العربيه اصلى بعشقها ودى اول رغبه اتمناها وتحصل
فى وقت جالك حسيتى فيه ان السلطة او الفلوس اهم حاجة..؟
هى مش اهم حاجه ومابعتبرهاش اهم حاجه خالص بس ممكن كان بيها تحصل حاجه انا كنت بتمناها
لو فكرتى تنزلى كتاب..ايه هيكون عنوانه..؟
امممممممممممممممم
مثلا بيتك حياتك
لو قولنالك اوصفى نفسك فى كلمتين..هيكونوا ايه؟؟؟؟؟؟؟
خلوقه ، الطيبه
كاتى
16-08-2008, 02:38AM
هستنى لما تخلصى اسئله اسيره

وهااهريكى اسئله ياهدى

انا مبرحمش دى معلومة عنى

هههههههههههههه
ماشى يااستاذ محمد وانا مستنيه اسئلتك وربنا يسترها معايا يااااااااااااااارب
مصطفى شعبان
16-08-2008, 05:16AM
يا خبر هى كاتى هى اللى عليها الدور طيب ابدأ احضر نفسة يلا يا كاتى حضرى نفسه
كاتى
16-08-2008, 02:17PM
يا خبر هى كاتى هى اللى عليها الدور طيب ابدأ احضر نفسة يلا يا كاتى حضرى نفسه
محضره نفسى ومستنيه الاسئله زى مااكون فى لجنه الامتحان هههههههههه
وربنا يستر
اسيرة الاحزان
17-08-2008, 11:26PM
كاتى ازيك
رجعتلك تانى
واسئلة جديدة

المطرب المفضل..؟
المطربة المفضلة..؟
الممثل والممثلة المفضلين..؟

اكتر برنامج ممكن يصيبك بالملل وانتى بتشوفيه..؟

تعتقدى ان فى اى حاجة ممكن تفرق بين الاصدقاء القريبين لبعض.....؟

عندك كام صديقة قريبين جدا....؟

إيه علاقتك بالأطفال................؟

من وجهة نظرك من هم اغمض خمس اعضاء في المنتدي....؟

ياتري ايه الهديه اللي نفسك حد يقدمها ليك ....؟


ماهو الموقف الذي غير مسار حياتك .....؟

هذه الحكم الي من توجهها....؟

" اصبر علي جار السواء يا يرحل يا اما .............."

" اتلم نشكاح علي ريمه واللي اتنين ملهمش ايمه "

" يادخل بين البصله وقشرتها مينوبك الا ........"

" ان كان حبيبك عسل متلحسوش كله "

" حبيبك ياكلك الظلط وعدوك يتمنالك الغلط "

" اجري يا ابن ادم جري الوحوش غير رزقأك لان تحوش "

" بيت النتاش عمره ميعلاش وان علي يروح بلاش "

" لقيني ولا تغديني "

" اتلم المتعوس علي خيب الرجاء "

" بات مظلوم ولتبتش ظالم "

" ليك يوم يا ظالم "



كفاية كدة
همشى وهرجعلك تانى
على ماتجوبى دول يلا يا كاتى الله معك

"وآخر دعوانا أن الحمد لله"
كاتى
19-08-2008, 12:28AM
اهلا بيكى اسيره مره تانيه

المطرب المفضل..؟
تامر حسنى
المطربة المفضلة..؟
نجاة الصغيره
الممثل والممثلة المفضلين..؟
الممثل : محمد صبحى / احمد حلمى وناس تانيه
الممثله : منى زكى

اكتر برنامج ممكن يصيبك بالملل وانتى بتشوفيه..؟
اختراق
بسبب برووووووووود المذيع

تعتقدى ان فى اى حاجة ممكن تفرق بين الاصدقاء القريبين لبعض.....؟
ابدااااااااا الاصدقاء اصدقاء لو حصل بينهم ايه

عندك كام صديقة قريبين جدا....؟
اتنين

إيه علاقتك بالأطفال................؟
حبايب قلبى بينا تواصل رهييييييييييب
نفضل نتكلم كتيييييييير وابقى قابلينى لو فهمتى حاجه مننا ههههههههههههههه

من وجهة نظرك من هم اغمض خمس اعضاء في المنتدي....؟

بصراحه مافيش بس فى ناس ماكنتش بقبلهم فى الاول لحد لما عرفتهم كويس واتغيرت نظرتى ليهم تماما

ياتري ايه الهديه اللي نفسك حد يقدمها ليك ....؟
الحب والحنيه

ماهو الموقف الذي غير مسار حياتك .....؟
موقف حصلى قريب وكنت بتمناه يتم بس الحمد لله على كل شئ

هذه الحكم الي من توجهها....؟

" اصبر علي جار السواء يا يرحل يا اما .............."

جارتين ربنا يسامحهم اتكلموا كلام غلط عن ناس وطلع الكلام ده غلط

" اتلم نشكاح علي ريمه واللي اتنين ملهمش ايمه "
زميله قديمه نصحتها بعدم مصاحبتها لبنات وماسمعتش النصيحه

" يادخل بين البصله وقشرتها مينوبك الا ........"
اى حد يتدخل فى امر مايخصهوش

" ان كان حبيبك عسل متلحسوش كله "
مافيش

" حبيبك ياكلك الظلط وعدوك يتمنالك الغلط "
مافيش
" اجري يا ابن ادم جري الوحوش غير رزقأك لان تحوش "
للطماع

" بيت النتاش عمره ميعلاش وان علي يروح بلاش "
الجارتين السابقتين

" لقيني ولا تغديني "
مافيش

" اتلم المتعوس علي خيب الرجاء "
مافيش

" بات مظلوم ولتبتش ظالم "
مافيش

" ليك يوم يا ظالم "

الجارتين السابقتين
Dodda_Lamada
20-08-2008, 06:06AM
كاتى حبيبة قلبى

هو سؤال واحد

هتجيبى فانوس السنة دى..........؟!
كاتى
20-08-2008, 08:31PM
كاتى حبيبة قلبى[/align]


هو سؤال واحد

هتجيبى فانوس السنة دى..........؟!


اهلا بيكى ياقمر

هههههههههههههه

الصراحه لا
meka
21-08-2008, 04:46PM
اهلا بيكى ياقمر


هههههههههههههه


الصراحه لا



لييييييييية زعلتينى

مش بحب حد مش عندة فنوس

امال هلعب مع مييييييييييييييييييين

بجد انتى كنتى ضيفة جميلة ولذيذة يا كاتى

بس هسئلكـ سؤال معرفشى حد سئلة ولا لا

لية اخترتى النك نيم داا ؟؟
كاتى
21-08-2008, 08:58PM
لييييييييية زعلتينى

مش بحب حد مش عندة فنوس

امال هلعب مع مييييييييييييييييييين

بجد انتى كنتى ضيفة جميلة ولذيذة يا كاتى

بس هسئلكـ سؤال معرفشى حد سئلة ولا لا

لية اخترتى النك نيم داا ؟؟

اهلا بيك ياميكا وبسؤالك

انا اخترت النك نيم ده لانه اسم اول قطه نربيها عندنا فى البيت وانا بعتز بيها جدا وبالصدفه فى وقت قصير جدا من تربيتها اشتركت فى المنتدى واستغليت اسمها ههههههههههههه
meka
08-09-2008, 09:00PM
كنتى ضيفة جميلة ولذيذة يا كاتى

ولاكنى اطلب من اسيرة الاحزان العودة واستكمال باقى حلقات ضيف الاسبوع
meka
28-09-2008, 01:43PM
الوووووو اسيرة
؟؟؟؟
كاتى
11-10-2008, 05:36PM
اسيره الاحزان

رمضان عدى والعيد كمان

عايزين مواضيع جامده وضيوف جديده مستنيينك
:nshyt::nshyt::nshyt: