المساعد الشخصي الرقمي

مشاهدة النسخة كاملة : طاطى طاطى!!

اهلاويه ميه ميه
24-04-2008, 11:48PM
كتب احمد فؤاد نجم

طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي

لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي


لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي


لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي


لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي

لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي

لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي
elraky2005
25-04-2008, 05:40AM
كان شاعرنا الكبير من اكتر المعارضين للزعيم جمال عبدالناصر ولا ن الشاعر كان بينتمى للتنظيم الشيوعى اللى كان بيكن عداء لعبالناصر وكان نجم موجود فى السجن الا انه اعترف واقر بل وايقن ان عبد الناصر فعل للمصريين اكتر ما كان يحلم به اى معارض او حتى زعماء الشيوعيه فى مصر وانقلبت كراهيته لحب عبدالناصر رغم ان كان نجم داخل السجن الا انه قال رجل فعل اكثر ما نحلم به لماذا نعاديه وممكن ترجعى لكتب الشاعر وكمان احاديثه التليفزيونيه
ايهاب شليح
26-04-2008, 12:07PM
علشان منعلا ونعــلا ونعـــلا
لازم نطاطي نطاطي نطاطي
meka
26-04-2008, 01:07PM
بس من النهاردة مش هنطاطى رسالة الى القائمين على المنتدى


تسلم ايدك على النقل يا اهلاوية
محمد صباح
12-05-2008, 12:59AM
ياعم طاطي وخلاص
treka
12-05-2008, 11:48AM
ياريت الكل ما يططيش