المساعد الشخصي الرقمي

مشاهدة النسخة كاملة : الله عليك يا سيدي .... يا شارع الحميدي

brave heart
21-02-2008, 10:46PM
الى شارع الحميدى.... أبو أحلى بيوت خشب...والله زمان



شارع الحميدى ذلك الشارع العتيق والذى كان ذات يوم عصب الحياة فى بورسعيد
ذلك الشارع الذى عاصر بورسعيد العرب و الخواجات
وبورسعيد المنطقة الحرة فى عز اوجها
الحميدى السوق و الناس و ابناء البلد والصيادين بجانب بائعى البرفانات العالمية
الحميدى اى الحياة الصاخبة و الشارع الذى لا ينام
والذى تعرف العيد و رمضان من ردود افعال اهله
الحميدى الحارات الطويلة الضيقة والناس الطيبين
الحميدى الذى يعرفنى و اعرفه و اشم رائحته
الحميدى و البيوت الخشبية و افران شوى السمك
الحميدى يا ذكريات العمر
اليك هذه التجربة
_______________________





كتير بتشوف وشوش
وناس متدعدش
و عمرك ما نسيتنا
و فى قلبك
بتتحوش
اسامينا.....حكاوينا
واحنا تملى فكرينك
بنجيلك
ولمل الحال يضيق بينا
تنادينا
ومليون ودن تسمعنا
ومليون فرش هيسعنا
والرزق تملى يوماتى
ما القلب
مفيهوش غش
مع ناس بترمى تماسى
وناس ترد سلام
و راديو فوق الرف
عمال بيحكى كلام
للشيخ جنب القسيس
وصابونة تلاتة فى كيس
ويا الخوخ و الأناناس
و الريحة الخضرا باريس
وبنت البلد الجدعة
بترص الشامبو هناك
والتوم عمال بيرفرف
متعلق من الشباك
فكرنى بمايون حاجة
وصور فريق المصرى
ملزوقة على التلاجة
وادى فرن مولع نار
عمال بيشوى شبار
والناس قدامه طوابير
لعند محل عصير
بيبيع التمر الهندى
بيخلى العقل يطير
و سلامات يا شوال البالة
يا حبيب الناس و الشعب
و يا رب الحقلى حاجة
قبل ما يخدوك الغرب
وحشانى يا ليلة العيد
عند شارع مظلوم
واللبس تملى جديد
تلاقيه هناك بالكوم
و سهيرة تملى تبات
على نور الكلوبات
ضارب فى الجوز الهندى
والتمر اسبات اسبات
أيام بتروح يا حميدى
وبتيجى عليك أيام
بكتبلك غنوة بايدى
وبقولك احلى سلام


نقلا عن موقع مصري لفرز

كتب هذه المقطوعه الشعريه الشاعر البورسعيدي الجميل أحمد شلبي
نقلهذه المقطوعه الي مصري لفرز البورسعيدي الاصيلboda portsaid
hoda_2006
21-02-2008, 10:58PM
اللى ماشافش الحميدى مشافش اصاله بورسعيد


شكرا يا وسيم
brave heart
21-02-2008, 11:03PM
فعلا

بجد يا محمود انا بحس براحه نفسيه فظيعه وانا ماشي في الحميدي والامين وكسري ساعه الظهر كدا واشم ريحه دكاكن العطارين والسمك المشوي

يااااااااااااااااااااااه

بجد حاجه روعه
sayednow
21-02-2008, 11:30PM
فين السمك الموضوع كله مقلي
haitham
22-02-2008, 02:39AM
الله عليكى يا بورسعيد
يامدينه السحر والجمال
brave heart
22-02-2008, 02:50AM
فين السمك الموضوع كله مقلي

ياريت حضرتك توضح كلامك عشان مايتفهمش علي انه حاجه تانيه غير اللي عايز تقوله


سخريه مثلا او استهزاء او تريقه

فياريت حضرتك توضح
zeko_البورسعيدي
22-02-2008, 09:18AM
بورسعيد غاليه علينا والنادي المصري جوه عنينا

بورسعيد ارض الاحرار
sayednow
22-02-2008, 09:27AM
ياريت حضرتك توضح كلامك عشان مايتفهمش علي انه حاجه تانيه غير اللي عايز تقوله


سخريه مثلا او استهزاء او تريقه

فياريت حضرتك توضح

اكيد الكلام واضح من وقت ما عملنا قسم خاص لجمهور المصري
لا تعليق مع الشكر لشباب بورسعيد
برجاء اعزمونا علي سمك من شارع الحميدي
mmortega2002
22-02-2008, 02:20PM
شكرآ على الموضوع الجميل
عايزين نظبط يوم ونروح بورسعيد
boda portsaid
22-02-2008, 04:25PM
فعلا بورسعيد تتلخص فى شارع الحميدى
brave heart
23-02-2008, 03:05AM
شكرآ على الموضوع الجميل
عايزين نظبط يوم ونروح بورسعيد


بس كدا

تشرفوا وتنوروا
Kings of Africa 2010
23-02-2008, 03:10AM
بورسعيد .. حدوتة مصرية
boda portsaid
23-02-2008, 01:22PM
بورسعيد .. حدوتة مصرية

شكرا ليك على المرور
hoda_2006
23-02-2008, 09:53PM
[QUOTE=Mohammed_top;11854]بورسعيد .. حدوتة مصرية[/QUOT


شكرا على الكلمه الحلوه ديه