المساعد الشخصي الرقمي

مشاهدة النسخة كاملة : نفرح بقى...........!

Dodda_Lamada
04-10-2008, 03:20PM
السكوت جوايا صوت
والأمل مش راح يموت
قطر الحياة أنا هألحقه
قبل ما الأيام تفوت

ومسيرى هأخرج للحياة
ولا عمرى تانى هأحس آه
ومسيرى من تانى هأعيش
وهألقى يوم بر النجاه

ولا عمرى تانى هأعيش هموم
ولا عمرى هأستسلم أنا
خلاص نسيت شكل الغيوم
من تانى هأرجع للهنا

من تانى حسيت الفرح
وبشوف خلاص ألوان كتير
عايشة الحياة حب ومرح
ما خلاص خلص همى الكبير




شخبطة فرحانة عشان خاطر ابو مريم :mbtsm:
meka
04-10-2008, 03:38PM
جميلة جدااا يا توتا

ويارب ديما فى فرح

وميبقاش فى هم خالص

ومتحرمناش ابدا من شخبتك اللذيذة
Dodda_Lamada
04-10-2008, 03:51PM
جميلة جدااا يا توتا

ويارب ديما فى فرح

وميبقاش فى هم خالص

ومتحرمناش ابدا من شخبطك اللذيذة



شكرا يا ميكا لمجاملتك الرقيقة
انا بصراحة مش فاكرة كتبت الحاجت دى امتى
انا لاقيتها بالصدفة كدة
هى مش قديمة اوى
شهرين تلاتة اربعة كدة

نورت يا ميكا
وسعيدة ان شخبطاتى عجبتك
eng.tefa
04-10-2008, 04:40PM
مش ابو مريم فقط اللى بيتمتع

بهذا الكلام ولكن الحق الجميع

يتمتعوا بتلك الكلمات ذات المعاني

التي تشعرك بالامل

شكرا على التوبيك يا دودا
Dodda_Lamada
04-10-2008, 05:38PM
مش ابو مريم فقط اللى بيتمتع

بهذا الكلام ولكن الحق الجميع

يتمتعوا بتلك الكلمات ذات المعاني

التي تشعرك بالامل

شكرا على التوبيك يا دودا


شكرا يا بشمهندس ربنا يخليك لكلامك الحلو ده
بس الفكرة ان ابو مريم طلب حاجة فرحانة
طبعا ف المود الى انا فيه مكنش ينفع اكتب فرح خالص
الحمد لله لاقيت النص ده قديم عندى كنت كتباه من فترة حوالى شهرين تلاتة
لاقيته بالصدفة هو وشوية حاجات كدة

يارب اعرف اكتب زيها حاجة فرحانة تانى
عشان بقالى فترة مرخمة على نفسى جامد والقلم خاصمنى ومش راضى يضحك
حالف انو اما يكتب حزن اما بلاش

ربنا يسهل

شكرا اوى يا بشمهندس لرقة كلماتك
ومعلش طولت عليك
اصلى ما صدقت اتكلم

نورت الموضوع
mmdwalid
07-10-2008, 02:21AM
أيوه كده
أنا متأكد إنك متميزة يا دودا في كل الألوان
لكن أردت إخراجك من حالتك المزاجية

إلى مزيد من التألق والإبداع
Dodda_Lamada
10-10-2008, 12:00AM
أيوه كده
أنا متأكد إنك متميزة يا دودا في كل الألوان
لكن أردت إخراجك من حالتك المزاجية

إلى مزيد من التألق والإبداع


شكرا يا أبو مريم ربنا يخليك
أنا للأسف بجد كنت مضايقة جدا الفترة الى فاتت
الحمد لله دلوقتى السبب الى مزعلنى انتهى
بس طهقانة م الكلية والدراسة وكدة
بس مستنية اتبسط برضو
موش هستسلم

طولت عليك انا
معلش اصلى سرحت واانا بكتب

نورت يا ابو مريم
ويارب يكون عجبك
وسعيدة بمرورك